چھوٹے گھروں میں باغ بنانے کے 15 زبردست انداز

Hamna – Homify Hamna – Homify
Jardines con maceteros y más..., EcoEntorno Paisajismo Urbano EcoEntorno Paisajismo Urbano Moderne tuinen
Loading admin actions …

ہر گھر کے مالک کا خواب ہوتا ہے کہ اس کے گھر میں بھی شاندار باغ موجود ہو۔ اور ویسے بھی آج کل خوبصورت باغ سٹیٹس سمبل بن چکا ہے۔ باغ جہاں گھر کی خوبصورتی میں اضافہ کرتا ہے وہاں اس کے مکینوں کی ذمہ داری میں بھی اضافہ کرتا ہے۔ اسے سارا سال سر سبز رکھنے کے لیے نہ صرف پیسا بلکہ وقت بھی چاہیے ہوتا ہے۔

لیکن اگر آپ کے پاس اپنے باغ کو دینے کے لیے وقت نہیں ہے اور نہ ہی یہ پتا ہے کہ اس کی دیکھ بھال کیسے کی جا سکتی ہے تو پھر آپ کے لیے یہ آئیڈیا بک بہترین رہے گی کیونکہ ہم آپ کے لیے لاۓ ہیں 15 ایسے باغات کی تصاویر جو کہ بہت خوبصورت بھی ہیں اور زیادہ دیکھ بھال نہیں مانگتے. 

1. ​قدرتی اشیاء سے مل کر بنا

سبز اور براؤن رنگ کی قدرتی اشیاء کے استعمال سے آپ کے باغ کو خوبصورتی اور تازگی بھرا احساس مل جاۓ گا اور آپ کو پوری جگہ گھاس اور پودوں سے بھرنے کی ضرورت بھی نہیں پڑے گی.

2. ​بڑے گملوں کا استعمال

IJLA - Chic Garden, IJLA IJLA Moderne tuinen

گملوں کے استعمال سے نہ صرف پودوں کی دیکھ بھال آسان ہو سکتی ہے بلکہ اگر آپ کنکریٹ کی مدد سے بڑے گملے بنا دیں تو اس سے بہت با ترتیب لک بھی آ جاتی ہے۔ اس کے علاوہ آپ بازار میں موجود ہزاروں گملوں میں سے اپنی پسند کے رنگ اور انداز کا گملا چن کر اپنے باغ کو با آسانی سجا سکتے ہیں.

3. ​صحرائی انداز

اگر آپ اپنے پودوں کو پانی دینا زیادہ تر بھول جاتے ہیں تو کیکٹس کے پودے آپ کے لیے بہترین ثابت ہوں گے۔ ان کو روزانہ پانی دینے کی کوئی ضرورت نہیں ہوتی.

4. ​بے حد سادگی

قدرتی اشیاء سے مل کر بنے آنگن کے درمیان میں لگا ایک ہی درخت بھی کافی ہے.

5. ​بڑے برتن کی شکل والے گملے

اس طرح کے پوٹس میں لگے پودے آپ کے باغ کو بہت خوبصورتی دیں گے۔ یاد رکھیں اگر آپ کے پاس جگہ کم ہے تو چھوٹے سائز کے برتن استعمال کریں.

6. ​بہت سارے مٹیریل ایک ساتھ

دکھنے میں یہ باغ بہت ہی پیچیدہ لگ رہا ہے مگر اس کو بنانے کا انداز نہایت تخلیقی ہے۔ مختلف مٹیریل کو ملا کر بنانے سے ہر کسی کی خصوصیت کو خوبصورتی کے ساتھ ملا کر استعمال کیا گیا ہے.

7. ​چھوٹے باغات کو ملا کر بنا ایک بڑا باغ

homify Scandinavische tuinen

آپ کو ایک ہی طرح کے پودے لگانے کی کوئی ضرورت نہیں ہے۔ چھوٹی چھوٹی جگہوں پر الگ الگ قسم کے پودے لگائیں اور ایک خوبصورت باغ ترتیب دیں.

8. ​دیوار کے قریب

سادہ ہمیشہ خوبصورت ہوتا ہے۔ اس سادہ سے باغ میں دیوار کے قریب درخت لگائیں اور پیچھے دیوار پر کوئی زبردست سا آرٹ بنا دیں.

9. ایک ہی قسم

اپنے پسندیدہ پودے کو لیں، اس کے اردگرد سجاوٹ کے لیے روشنیاں لگائیں اور ایک شاندار باغ کا مزہ لیں۔ یہ انداز آپ اپنے گھر کے کسی بھی حصے میں استعمال کر سکتے ہیں.

10. ​پتھروں کا راستہ

یہ ایک اور سادہ اور اسٹائلش انداز ہے۔ اس میں آپ پتھروں کے ڈیزائن پر غور کریں، پودوں کی اقسام پر نہیں.

11. ​ایک پر لطف لے آؤٹ

لکڑی جس جگہ بھی استعمال ہو ادھر خوبصورتی لے آتی ہے۔ اگر آپ کے پاس گھاس کی دیکھ بھال کرنے کا وقت نہیں تو ادھر لکڑی کا استعمال کریں اور کہیں کہیں پودے لگا دیں.

12. ​روشنی پر فوکس

ایک اور طریقہ یہ ہے کہ سارے کونوں میں پودے لگائیں اور درمیان میں لکڑی۔ پودوں پر روشنی فوکس کریں اور اپنی شاموں اور راتوں کا مزہ لیں.

13. ​کنٹینر میں بند

باغ کے کنٹینر بنانے آسان نہیں لیکن اگر آپ ایک دفع یہ بنوا لیں تو پھر آپ اپنی مرضی سے اپنا باغ سجا سکتے ہیں۔ مزے کی بات یہ ہے کہ اس کو بہت کم دیکھ بھال کی ضرورت ہو گی۔

14. ​سب کے لیے

homify Scandinavische tuinen

اس طرح کی جگہ پورے کنبے کے لیے بہترین ہے۔ بڑے ادھر بیٹھ کر آرام کریں یا کوئی کتاب پڑھ لیں جبکہ بچے آرام سے کھیل کود کریں.

15. ​مضبوط انداز

پتھر سے بنے باغ آج کل سب سے زیادہ مشہور ہیں، یہ گھاس سے بھرے باغ کی جگہ با آسانی لے رہے ہیں۔ آپ کو ان کو لگواتے وقت تھوڑا خرچہ کرنا ہو گا مگر اس کے بعد کسی دیکھ بھال کی ضرورت نہیں پڑے گی.

آنگن میں موجود باغ کے لیے 19 خیالات جو آپ کی بہت سی جگہ بچائیں گے.

Hulp nodig bij uw woonproject?
Neem contact met ons op!

Hoogtepunten uit ons magazine